 |
| José María Gabriel y Galá. Frades de la Sierra. 6 enero 2016 |
El sibarita
¡A mi n'ámas me gusta
que dali gustu al cuerpo!
Si yo fuera bien rico,
jacía n'amas que eso:
jechami güenas siestas
embajo de los fresnos,
jartalmi de gaspachos
con güevos y poleo,
cascalmi güenos fritis
con bolas y pimientos,
mercal un güen caballo,
tenel un jornalero
que to me lo jiciera
pa estalmi yo bien quieto,
andal bien jateo,
jechal cá instanti medio,
fumal de nuevi perras
y andalmi de paseo
lo mesmo que los curas,
lo mesmo que los médicos...
Si yo fuera bien rico,
jacía n'ámas eso,
¡que a mí n'ámas me gusta
que dali gustu al cuerpo!
José María Gabriel y Galán
